Ulma ilk getdiyinizdə , qatar stansiyasında qarşılayacaq sizi o.Ulmun başqa yerlərində də təkrar rast gələcəksiniz ona. Hər gördüyünüzdə başqa-başqa rənglərdə və başqa-başqa obrazlarda olacaq. Bəzən  siqarın tüstüləndirəcək, bəzən də bir üzük daşıyacaq dimdiyində. Niyə bu quşun nəhəng ölçülərdəki heykəli şəhərin hər yanına yayılmışdı?

  Taaa illər əvvəl Ulm xalqı, məşhur Münsterin tikintisi üçün odun daşıyarkən  bizim sərçənin hikməti ortaya çıxdı.

   Ulm şəhərinə giriş-çıxış üçün müəyyən qapılardan istifadə olunurmuş.Ulm xalqı da kilsə tikmək üçün lazımlı olan bu uzun odunları eninə tutub, qapılardan içəri soxmağı heç cür bacarmırlarmış.  Hətta ağlı başında bir bələdiyyə başçısı “Qapılar yıxılmalı, giriş genişləndirilməlidir! Odunlar da beləliklə keçə bilər” deyə bir əmr belə veribmiş.Nə oldusa, elə o vaxt oldu. Bizim quşbeyinli sərçə, dimdiyiylə uzun bir budaq parçasını yuvasına doğru daşıyırmış. Ulm xalqı kimi yuvasının qapısını yıxmağa cəhd etmək yerinə, budaq parçasını dikinə qapısından içəri soxub, hər kəsi heyrətlər içində buraxmışdır!  Bu ‘maraqlı’ kəşfin ardından odunlar dikinə qapıdan içəri soxulmuş və özlərini böyük bir çətinlikdən qurtaran və bir mühəndislik nümunəsi sərgiləyən sərçənin heykəli də ‘təşəkkür ‘ məqsədiylə kilsənin ən yüksək nöqtəsinə qoyulmuşdur.