GƏNCLİK MALL
Bu
gün sizinlə ilk dəfə getdiyimiz Gənclik mall haqqında ilk təəssüratlarımızı bölüşmək
istədik..
Regionun ən böyük ticarət
mərkəzi
olan və
15 aprel 2016-cı il tarixində
qapılarını sakinlərin üzünə açan Gənclik
mall-da bizim və inanıram ki, ziyarət
edən
hər
kəsin
ən
çox bəyəndiyi nüans Gənclik metrostansiyasından ticarət
mərkəzinə
birbaşa keçidin olmasıdır. Keçiddən birbaşa daxil olduğumuz mərtəbədə
elektronik əşyaların satıldığı "Maxi.az" və
eləcə
də
“Zel Home”, “The One” və “CoinCasa” kimi məşhur ev aksesuarları
mağazaları və şəhərin ən böyük supermarketlərindən biri yerləşir. Marketdə ilk yaxınlaşdığımız bölmə təbii ki :), kosmetika və qulluq vasitələrinin yerləşdiyi bölmə oldu. Bu məhsullara görə deyə bilərik ki , digər marketlərlə müqayisədə qiymətlər olduqca normal idi. Amma
bəzi axtardığımız məhsulları tapmaqda çətinlik çəkdik ( məsələn pendirli sous :( ).
Təkcə marketin içərisini gəzməyə xeyli vaxt sərf etdik. İkinci mərtəbədə isə “Zara”, “Massimo Dutti”, “Mango”, “Ted Baker”, “Lacoste”, “Tommy
Hilfiger”, “French Connection”, “LC Waikiki”, “Koton”, “New Yorker”, “DeFacto”,
“Calliope”, “Terranova”, “Stradivarius”, "OVS", “Pimkie” və
s. dünya şöhrətli brendlərlə yanaşı
idman məhsullarının geniş
çeşidlərinin mövcud olduğu GO
Sport və Courir mağazaları da “fəaliyyət göstərir". (təəssüflər olsun ki, mağazaların çoxu hələ açılmayıb)
"Go Sport" mağazasında idmanla əlaqəli
ağlınıza gələ biləcək bütün məhsulları tapa bilərsiniz: futbol toplarından, idman ayaqqabılarından tutmuş-düşərgə
çadırlarına qədər hər şey. "OVS" mağazası ilə
ilk dəfə tanış olsam da, öz adımdan çox bəyəndiyimi
deyə
bilməyəcəm. Həm
qadın, həm də kişi geyimlərinin olduğu mağazada gündəlik
sport üslublu geyimlər üstünlük təşkil
edirdi.
 |
| koton mağazası |
Xeyli gəzib yorulduqdan sonra qalxdıq cafe və
restoranların olduğu mərtəbəyə. Lakin
bu mərtəbədə
də,
sözün əsil mənasında, təəssüf hissi yaşadıq, çünki “McDonald’s”, "KFC",
“Villa Pizza”, “Starbucks”, “Espressamente İlly”, “Gloria Jeans”, “Café City”,
“Vapiano”, “Mado” “Mooyah”, “Bagel Bar”, “PakDAD”, və s. kimi çox sayda cafe adı olsa da bunlardan yalnız
“McDonald’s”, “PakDAD” kimi iki-üç fastfood cafe fəaliyyət göstərirdi. Ancaq indiyə qədər ən sürətli sifariş hazırlayan “McDonald’s” buradadır desək, yanılmarıq. Naharı rəngbərəng masa və stullarda yeməyin də iştah artırdığını demək olar :) Məkanın yuxarı mərtəbəsində Bowling zal, “Wonderland” oyun zonası və 9 zaldan ibarət “CinemaPlus” kinoteatrı yerləşir. Bu hissələrdə olmasaq da, yaxın
zamanlarda ziyarət edib öz fikirlərimizi sizə çatdıracayıq. Ümumilikdə isə, yaxın zamanlarda mağazaların və cafelərin əksəriyyəti istifadəyə verildikdən sonra məkanın daha əyləncəli olacağına və Gənclik Mall ziyarətçilərinin sayının artacağına şübhəmiz yoxdur :)
.png "English"){kind=small}
0 yorum:
Yorum Gönder